Një 26 vjeçar është arrestuar pasi ngacmoi seksualisht një vajzë të mitur.
D. Z., banues në Fushë Krujë, gjatë shoqërimit të policisë ka goditur me gusht një prej tyre.
Gjithashtu në Tiranë janë arrestuar disa persona të tjerë për vepra të ndryshme penale.
– Specialistët për Hetimin e Narkotikëve arrestuan 20 vjeçarin D. G., pasi gjatë kontrollit fizik dhe kontrollit në automjet, shërbimet e Policisë gjetën dhe sekuestruan një sasi të vogël kanabis dhe një thikë.
– Specialistët për Hetimin e Krimeve të Komisariatit të Policisë Nr. 1 arrestuan 40 vjeçarin A. Sh., pasi ka dëmtuar derën e dyqanit të një personi tjetër dhe gjatë shoqërimit ka kundërshtuar dhe goditur për shkak të detyrës, punonjësin e Policisë.
– Specialistët për Hetimin e Krimeve të Komisariatit të Policisë Nr. 2 arrestuan 24 vjeçarin Sh. M., pasi ka ushtruar dhunë ndaj të dashurës së tij. Gjatë kontrollit në banesën e tij, shërbimet e Policisë gjetën dhe sekuestruan në cilësinë e provës materiale, një sasi lënde të dyshuar narkotike kanabis.
– Specialistët për Hetimin e Krimeve të Komisariatit të Policisë Nr. 3 arrestuan 31 vjeçarin R. M., pasi i ka vjedhur biçikletën një vajze dhe 22 vjeçarin M. C., pasi gjatë kontrollit fizik, shërbimet e Policisë i gjetën një përforcues grushti, e cila u sekuestrua në cilësinë e provës materiale.
– Specialistët për Hetimin e Krimeve të Komisariatit të Policisë Nr. 6 ndaluan 30-vjeçrin L. A., banues në Lushnjë, pasi Gjykata e Rrethit Gjyqësor Tiranë i ka caktuar masën e sigurisë “Arrest në burg”, për veprat penale “Punësimi i paligjshëm” dhe “Shkelja e rregullave të mbrojtjes në punë”.
Sipas policisë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Top Channel
