FOTOT/ E bujshme! Ylli i filmave me “pullë të kuqe” konfirmon lidhjen romantike me ish-yllin e Arsenalit
17/11 17:06
Liverpool fitoi një ndeshje dramatike të dielën ndaj Tottenham me shifrat 4-3 teksa të kuqtë iu falën një goli të Diogo Jotas në minutat shtesë.
Festa në Anfield ishte e çmendur me trajnerin Jurgen Klopp që gëzoi para syve të arbitrit të katërt ndërsa menjëherë u ndëshkua ngaa gjyqtari kryesor, Paul Tierney. Në fakt, gjermani ishte tejet i nevrikosur me kryesorin pasi ky i fundit akordoi një faull nga i cili erdhi goli i tretë i Tottenham.
Ndërkohë, pas sfidës, Klopp nuk i uli tonet dhe në konferencë theksoi se arbitri Paul Tierney ndjek një axhendë kundër Liverpoolit. Këto fjalë duket se do t’i kushtojnë rëndë “timonierit” të The Reds pasi Federata Angleze pritet të marrë masa.
Klopp rrezikon një gjobë të majme, por mund të marrë edhe një pezullim për të mos e lejuar në stol për disa nga ndeshjet e ardhshme të Liverpool.
Kujtojmë se kjo nuk është përplasja e parë mes Klopp dhe arbitrit Tierney pasi edhe në dhjetorin e vitit 2021, në një ndeshje po ndaj Tottenham, gjermani kishte pretendime për një të kuq të padhënë ndaj Harry Kane.
Top Channel
