Kancelari i anti emigrantëve, politikani favorit në gjermani kërkon dëbimin e refugjatëve problematikë 28/12 12:03
Forcat e rezistencës ukrainase pretendojnë se forcat ruse po fillojnë përgatitjet për një evakuim të mundshëm të rajonit të Zaporizhzhia.
Disa pjesë të rajonit janë pushtuar nga forcat ruse që në shkurt të vitit të kaluar, kur qyteti i Berdianskut ra nën kontrollin rus.
Megjithatë, kryeqyteti – i njohur edhe si Zaporizhzhia – ka mbetur në duart e Ukrainës.
Qendra Kombëtare e Rezistencës, e cila u krijua nga një krah i ushtrisë ukrainase, tha: “Sipas forcave të rezistencës, administratat okupuese kanë përgatitur një plan evakuimi për stafin dhe familjet e tyre në zonat e pushtuara përkohësisht në rajonin e Zaporizhzhia”.
Organizata gjithashtu pretendoi se forcat ruse po lëshojnë udhëzime për të shkatërruar dokumente dhe pajisje ushtarake. Ukraina është ende duke u përgatitur për ofensivën e saj pranverore, e cila mund të shohë pjesë të rajonit të Zaporizhzhia duke u bërë sheshbeteja e ardhshme e luftës.
Kohët e fundit u raportua se Ukraina kishte ndërruar disa njësi të reja ushtarake në rajon.
Top Channel
