Trump cakton John Ratcliffe, ish-drejtorin e tij të inteligjencës kombëtare, për të udhëhequr CIA-n 13/11 07:55
Një video e rëndë e përhapur gjerësisht në rrjetet sociale gjermane tregonte sesi autoritetet atje hyjnë në një shtëpi në qytetin e Bremerhaven, dhe marrin me forcë një fëmijë të tmerruar nga familja e tij, teksa prindërit i luten policëve të mos e bëjnë.
Mediat shkruanin se rasti ka shkaktuar kritika të ashpra ndaj autoriteteve për rrëmbimin e fëmijës nga familja emigrante me veshje tipike arabe, shkruan rrjeti TRT.
Në video, policia dhe agjencitë e mbrojtjes së fëmijëve hyjnë në shtëpi dhe marrin forcërisht fëmijën nga familja, teksa djali i tmerruar qan për ndihmë dhe përpiqet t’i rezistojë oficerëve.
Familjarët dëgjohen që ulerasin duke u thënë oficerëve se djali ka probleme shëndetësore dhe se ata nuk duhet ta marrin prej tyre.
Por një nga policët thotë se gjykata ka vendosur kështu prandaj “agjencia e mbrojtjes së fëmijëve” po ekzekuton urdhrin.
Përdoruesit e mediave dënonin sjelljen arrogante të policisë dhe zyrtarëve të tjerë, që i akuzonin se rrëmbenin padrejtësisht fëmijët nga prindërit e tyre. (Shih videon)
Disa media raportonin më herët se policia mori fëmijën nga familja muslimane pasi shkolla e tij kishte raportuar se “prindërit i mësonin atij se feja islame nuk pranon mësime transgjinore dhe LGBT.”
Policia e Bremerhaven konfirmoi se incidenti ka ndodhur kësaj jave por pretendonte se video ka pretendime “të rreme” për arsyet e zbatimit të masës.
”Video tregon vetëm një pjesë zbatimit të urdhrit për të marrë nën kujdes dy fëmijë,” thuhej sot në një deklaratë të policisë.
Qendra e kujdesit në Bremerhaven nuk i është përgjigjur kërkesave për komente.
Top Channel
