Sport Të Fundit

Chiellinin e provokojnë në Amerikë për të kaluarën si juventin, mbrojtësi ia kthen me buzëqeshje

29/04/2023 14:58

Giorgo Chiellini ashtu si edhe shumë futbollistë të tjerë europianë, zgjodhi Amerikën për të “shijuar” fundin e karrierës. Mbrojtësi pasi kaloi pjesën më të madhe te Juventus, u transferua në MLS te klubi i Los Angelos.

Por, duket se e kaluara e tij si juventin e ndjek edhe përtej Oqeanit duke qenë se në sfidën e fundit të kampionatit mes Philadelphias dhe Los Angelos, tifozeria kundërshtare provoi ta provokonte. Teksa ishte duke bërë nxhemjen, tifozët nisën në kor thirrjet; “Juventin … dhe kthehu përsëri te Juventus”.

Megjithatë, 38-vjeçari nuk ra “pre” e provokimit dhe u mjaftua me një buzëqeshje ironike ndaj tifozerisë kundërshtare duke vijuar sërish me nxehmjen pavarësisht thirrjeve. Për Chiellinin ky është sezoni i parë në Amerikë teksa numëron shtatë ndeshje me Los Angelos duke gjetur edhe njëherë rrugën e rrjetës.

Top Channel