DETAJE/ Me një plumb në kokë ekzekutuan biznesmenin Eduart Reçi! Si u zbuluan dy vëllezërit 24/11 15:46
Presidenti i Republikës së Shqipërisë, Bajram Begaj, gjatë vizitës zyrtare në Kroaci është takuar me Kryetarin e Parlamentit të Republikës së Kroacisë, Gordan Jandrokoviç.
Në këtë takim Presidenti Begaj vlerësoi marrëdhëniet e shkëlqyera mes dy vendeve dhe rolin që kanë luajtur të dy parlamentet në fuqizimin e këtyre marrëdhënieve. Në takim ishte e pranishme ndër të tjerë edhe përfaqësuesja e minoritetit shqiptar në Parlamentin e Kroacisë, Ermina Lekaj Prljaskaj.
Për Presidentin Begaj, vetë prania e Prljaskaj në Parlamentin e Kroacisë, është një tregues i marrëdhënieve të afërta mes dy vendeve dhe garanci për forcimin e mëtejshëm të këtyre marrëdhënieve.
Në kuadër të integrimit evropian të Shqipërisë, Presidenti Begaj u shpreh se bashkëpunimi ndërparlamentar është i domosdoshëm. Vazhdimi i shkëmbimit të vizitave të nivelit të lartë mes parlamentarëve të të dy vendeve është gjithashtu me rëndësi për të thelluar edhe më tej bashkëpunimin në fusha të ndryshme.
Top Channel
