Kryetarja e Bashkisë Durrë, Emiriana Sako ka folur për vizitën e saj në klubin e e Manchester City në “Wake Up”.
Sipas saj akademia e klubit të të Manchester City, do të ketë në Durrës kampusin e tyre. Ajo shprehet se është një mundësi e jashtëzakonshme për fëmijët që bëjnë sporte si që qytetin e Durrësit, por edhe në të gjithë Ballkanin.
Blendi Salaj: Të pashë në një video me bluzën e Manchester City.
Emiriana Sako: Ne ishim atje për të vizituar klubin e Manchester City dhe të njëjtin projekt duam që ta zbatojmë në qytetin e Durrësit. Është një projekt fantastik për sportin, për të ndërtuar në qytetin tonë një shkollë sportive për fëmijët dhe një akademi elitë. Do jenë dy gjëra të ndara të cilat duam që t’i realizojmë në qytetin e Durrësit. Është për t’u falënderuar kryeministri në fakt për këtë iniciativë dhe për atë pushin që të realizohet sa më shpejt kjo marrëveshje. Kemi punuar ngushtësisht me Ministrinë e Arsimit dhe Sporteve për të finalizuar marrëveshjen, e cila menjëherë ne do të fillojmë punën për të realizuar projektet.
Neada Muçaj: Një iniciativë shumë e mirë në fakt, po mendoni se i kanë munguar hapësirat të rinjve në Durrës?
Emiriana Sako: Kjo është një gjë krejtësisht tjetër nga terrenet sportive që ne kemi në qytetin tonë sepse është një ide e jashtëzakonshëm për të sjellë këtu në Durrës trajnerët e një skuadre shumë të rëndësishme në Europë dhe patjetër që për Durrësin është një mundësi e jashtëzakonshme për fëmijët që bëjnë sporte në qytetin tonë. Ne kemi rreth 2000 fëmijë, por ky nuk do të jetë vetëm një projekt për qytetin e Durrësit, do të jetë një projekt kombëtar dhe mbase në firmosjen e kontratës definitive ne do të shohim mundësitë edhe që të marrim ekskluzivitetin për gjithë rajonin, për gjithë Ballkanin.
Top Channel
