Konfirmohet përbërja e re e Komisionit Evropian, mandati 5-vjeçar me në krye Ursula von der Leyen nis më 1 dhjetor 27/11 12:36
Një vrapues i sprovuar që kreu Maratonën e Londrës në më pak se tre orë të dielën, ka vdekur papritur teksa kthehej në shtëpi.
Steve Shanks, nga Nottingham, vdiq teksa udhëtonte drejt shtëpisë duke celebruar arritjen e tij, njoftonin organizatorët e garës.
Bashkëshortja e tronditur e 45-veçarit Jessica Shanks, përshkruante dhimbjen e saj në një postim në rrjetet sociale, ashtu si shumë sportistë të tjerë që kishin vrapuar me të ndjerin prej vitesh.
Zonja Shanks shkruante: “Me trishtim të madh njoftoj vdekjne e papritur e të paparapajmëruar të bashkëshortit tim të dashur Stephen Shanks. Askush nuk e priste këtë tragjedi, që ndodhi teksa ai kthehej në shtëpi nga Maratona e Londrës”.
I ndjeri Shanks përfundoi garën e të dielës në kohën impresionuese prej dy orë e 53 minuta. Ai kishte fituar shumë tituj në vrapime të distancave të ndryshme dhe kishte udhëtuar në shumë vende të Evropës për të konkurruar.
Klubi i tij lokal i vrapuesve Holme Pierrepont shkruante në një njoftim: “Jemi të shokuar e të trishtuar të mësojmë për vdekjen e tij”.
Zyrtarët e Maratonës së Londrës thanë se “shkaku i vdekjes do të përcaktohet më vonë nga ekzaminimet mjeksore”.
Rreth 48,000 vrapues kompletuan maratonën e të dielës, e cila organizohet prej vitit 1981.
Që prej nisjes së saj 13 vetë kanë vdekur gjatë vrapimit në maratonë, por asnjë pas përfundimit të saj, shkruan Daily Mail.
Top Channel
