Një 46 vjeçar është arrestuar në Shkodër pasi theu masën e sigurisë “Arrest në shtëpi”.
Gjykata e Sarandës e ka dënuar Gj. Sh., më datë 15 prill të këtij viti pasi u kap duke transportuar 11 emigrantë të paligjshëm, kundrejt fitimit, në aksin rrugor “Sorone-Xarrë”.
46 vjeçari ndodhej në lokalin e lagjes “Skënderbeg” dhe pas verifikimeve të kryera nga policia rezultoi se kishte thyer masën e veprës penale “Ndihma për kalim të paligjshëm të kufijve”.
Kësaj vepre i shtohet edhe “Largimi i të burgosurit nga vendi i qëndrimit”.
Sipas policisë Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme,
“Shkodër/ Theu masën e sigurisë “Arrest në shtëpi”, të caktuar nga Gjykata e Sarandës, pasi më datë 15.04.2023, kishte transportuar 11 emigrantë, për kalim të paligjshëm të kufirit, kapet në një lokal në Shkodër dhe vihet në pranga 46-vjeçari. Shërbimet e Komisariatit të Policisë Shkodër, në bashkëpunim me specialistët e Seksionit per Hetimin e Krimeve të DVP Shkodër, arrestuan shtetasin Gj. Sh., 46 vjeç, banues në Shkodër, pasi u kap në ambientet e një lokali në lagjen “Skënderbeg” dhe pas verifikimeve të kryera në bashkëpunim me Komisariatin e Policisë Sarandë, rezultoi se kishte thyer masën e sigurisë “Arrest në shtëpi”, të caktuar nga Gjykata e Rrethit Gjyqësor Sarandë, për veprën penale “Ndihma për kalim të paligjshëm të kufijve”. 46-vjeçari u kap më datë 15.04.2023, nga shërbimet e Policisë Kufitare të Sarandës, në aksin rrugor “Sorone-Xarrë”, teksa transportonte kundrejt fitimit, 11 emigrantë, me qëllim kalimin e paligjshëm të kufirit. Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme, për veprën penale “Largimi i të burgosurit nga vendi i qëndrimit”, sipas njoftimit të policisë.
Top Channel
