Boksieri shqiptar Ramiz Brahimaj i vendos plisin Joe Rogan! Pasi fitoi me nokaut në raundin e parë flet shqip (VIDEO) 18/11 07:50
Tottenhami zhvilloi në fundjavë një nga ndeshjet më të dobëta të viteve të fundit. Spurs u shkatërruan 6-1 nga Newcastle, duke dështuar me turp në një “finale” për një biletë në Champions League.
Skuadra londineze e pa vetën në disavantazh të pesëfishtë pas 21 minutave të para. Pjesa tjetër e ndeshjes nuk kishte më histori. Lojtarët janë prekur shumë nga ajo paraqitje dhe kanë vendosur t’ua lehtësojnë disi zhgënjimin tifozëve që udhëtuan për t’i mbështetur.
Me anë të një komunikate zyrtare, Harry Kane me shokë, kanë bërë të ditur se do t’i rimbursojnë të gjithë tifozët që ndoqën ekipin e zemrës në transfertën e luajtur në “St James Park”.
“Si skuadër, ne e kuptojmë zhgënjimin dhe zemërimin tuaj. E dimë se fjalët nuk kanë vlerë në këto momente. Një humbje e tillë të dhemb shumë. Ne e vlerësojmë mbështetjen tuaj, në ndeshjet shtëpiake dhe në transferta.
Për shkak të kësaj, ne duam të rimbursojmë koston e biletës së takimit në ‘St James Park’. E kemi të qartë se veprimi ynë nuk e ndryshon atë që ndodhi të dielën, por do të bëjmë të pamundurën për t’i rregulluar gjërat ndaj Manchester United të enjten.
Ndeshje ku, edhe njëherë tjetër, mbështetja juaj do të thotë shumë për ne. Së bashku, dhe vetëm së bashku, ne mund t’i çojmë përpara”, përfundoi komunikata zyrtare e lojtarëve të Tottenhamit.
Top Channel
