Të miturat në shënjestër të dhunës seksuale, UNICEF: Më shumë se 370 milionë vajza janë viktima 10/10 08:54
Një strukturë në formë dragoi 45 metra i gjatë u përfshi nga flakët në mesin e një show mjaft popullor në Disneyland të Kalifornisë duke shkaktuar panik mes spektatorëve por fatmirësisht, jo të lënduar.
Zjarri shpërtheu gjatë shfaqjes me tema të “Fantasmic!” në ishullin e Tom Sawyer-it. Pamje të shumta të publikuara në mediat sociale tregonin momentin kur flakët përfshijnë kokën e Dragoit Maleficent në mesin e performancës.
Një shtëllungë e madhe tymi u pa që ngrihej nga vendndodhja përgjatë parkut tematik prej 100 hektarësh, thotë New York Post. Spektakli u ndërpre me urgjencë dhe të ftuar e pjesëtarë kasti u larguan në kohë nga vendngjarja, ku zjarrfikësit u angazhuan në shuarjen e flakëve që u përhapën ndërkohë në trupin e strukturës.
Departamenti i Zjarrfikësve në Anaheim që shoi zjarrin pohoi më pas se zona përreth Frontierland ishte e rrethuar, ndërsa pjesa e mbetur e parkut mbeti e hapur. Ishulli i Tom Sawyerit ka qenë një element qendror i shfaqjeve në Disneyland që nga viti 1956 dhe bazohet në librin e famshëm të Mark Twain. Ai u lejon po ashtu vizitorëve të udhëtojnë në gjurmët dhe aventurat e kolonëve të hershëm të Amerikës në vitet 1840.
Top Channel
