Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
Kryetari i Partisë Demokratike prezantoi këtë të diel kandidatin për kryetar bashkie në Sarandë, Skënder Muçon.
Alibeaj nuk i kurseu akuzat për drejtimin socialist të bashkisë, teksa tha se në Sarandë kanë ndërhyrë interesat më të zeza politike.
“Kryetari i partisë e tha dhe teksa po fliste po më kujtohej dhe më erdhi si imazh që po, përveç asaj se çfarë ndodh në Tiranë ku është metropoli i Shqipërisë, ku janë futur dhe kanë penetruar të gjitha interesat më të zeza politike, mediatike, financiare, kriminale e me radhë, Saranda në fakt është një përngjasim i asaj se çfarë në Tiranë ndodh. E mjafton ta shohësh Sarandën sot, Sarandën e betonizuar, Sarandën e asfiksuar, për të parë qe nuk është zgjidhur një nga problemet më të mëdha që është ai i pronave. Për të parë sot Sarandën që është kthyer sot në një gjah, ku gjahtarët e krimit dhe të korrupsionit shkëpusin dhe gllabërojnë nga një copë, pak nga pak. Majtas edhe djathtas. Kjo është gjendja, një nga bashkitë në të cilën do të kishte një menaxhim me të mire, një menaxhim njerëzor, do të duhet të mburrej jo vetëm ekonomikisht, por dhe në aspektin e turizmit e gjithë Shqipëria. Saranda fatkeqësisht është kthyer në një gjah, ku paraja e pistë, paraja e korrupsionit, babzia e politikës i është turrur dhe vetëm e copëton dhe e gllabëron”.
Në një “mea culpa” ku pranoi gabimet e të djathtës, Alibeaj shtoi se e keqja më e madhe e vendit quhet Edi Rama, ndërsa ftoi qytetarët të votojnë kandidatët e PD-së.
“Ne kemi qenë një parti që duhej të ishte e djathtë, partia qe mbështetet tek pronarët, partia që mbështetej tek të përndjekurit, partia që mbështetej te biznesi. Pra tek tregu i lirë, partia që mbështetej tek rinia. Kjo ishte dikur partia më e bukur e lindjes, siç quhej në atë kohë. Në fakt ajo se çfarë rezultoi me kalimin e kohës ishte fakti që kur ishim në qeverisje ne patëm gabimet dhe fajet tona sepse u shkëputëm nga këto vlera dhe i lamë pronarët. Ne nuk ua zgjidhëm asnjë herë problemin atyre, çështje e pronësisë, tokat vazhdon dhe sot të jetë një lëngatë e madhe dhe kemi fajin tonë, përgjegjësinë tonë. Ne demokratët sepse nuk ia kërkoj në fakt që zgjidhjen e këtij problemi ta gjej tek pjella e partisë së punës, Partia Socialiste. Ne u shkëputëm nga të përndjekurit. Ne nuk ua kthyem borxhin e vuajtjes së atyre 50 viteve.
Çështjet private zgjidhen në mënyrë private dhe nuk përfshihen dhe njerëzit në këtë vorbull. Ajo që realisht ndodhi ishte që jo vetëm i përfshiu demokratët kur tha që partia demokratike po s’më mbrojtët mua meriton të asgjësohet por arriti deri atje sa mori dhe kazmën kundër Partisë Demokratike në 8 janar. Skena të shëmtuara që nuk i meritonte PD ajo që lindi 33 vjet më parë. Nuk i meritonte. Nuk i meritonin demokratët, nuk i meritoni ju që keni kaluar kohëra shume të vështira. Kujtoj këtu ’97. Kujtoj kohëra të vështira qe ju ia dolët dhe morët ne krah PD për ta ringritur dhe një herë. Nuk meritonte ato skena të shëmtuara qe ndodhen me 8 janar. Nuk meritonte në fakt dhe atë që ndodhi më pas kur ne pjesa më e arsyeshme e PD i shtrim dorën palës tjetër duke i thënë që e keqja më e madhe e këtij vendi ka një emër dhe quhet Edi Rama”.
Top Channel
