Mijëra njerëz protestojnë kundër planit të autostradës së re në jug të Francës (fotot)

Gilles Garic, një prej organizatorëve të protestës tha se autostrada shkatërron zonën e virgjër natyrore ku kalon, dhe se komuniteti do ta mbrojë me vendosmëri.

“Ne jemi të vendosur, edhe pse ata ishin në dyshim kur nisëm të flasim për rezistencën. Ata nuk e merrnin si serioze përpjekjen tonë por tani e shikojnë se ne mund të mobilizohemi”.

Garic shtonte më tej: “Qeveritarët thonë se krijojnë ‘zona për t’u mbrojtur’ por unë i konsideroj ato terma si ‘zona për të shkatërruar’ në fakt. Ne do të jemi këtu derisa projekti të ndalohet”.

Të tjerë protestues thanë për rrjetin vendas AFP se kërkon mbrojtjen e tokave bujqësore dhe të biodiversitetit.

“Ne duam të ruajmë fermerët dhe bujqësinë si mjetin tonë të jetesës, për këtë jemi këtu sot”, tha Monique, punonjëse e  Universitetit të Toulouse.

“Marshimi ynë është ndryshe nga protestat për reformën e pensioneve … Këtu ne pretendojmë që projekte destruktive si ky të ndalojnë prandaj po organizohemi për të treguar pakënaqësinë tonë, Ky është hapi i parë për ne por do të ketë të tjerë”.

Politikani opozitar Manuel Bompard, tha nga protesta: “Ashtu si me reformën e pensioneve, këto janë beteja shoqërore, ekologjike e klimatike, të lidhura me njëra-tjetrën. Kam protestuar kundër reformës dhe protestoj sot kundër këtij projekti autostrade”.

Bernard D’Ingrando, pronar i kështjellës Scopont në zonën e projektit te autostradës, tha se ndërtimi shkel rregullacionet e mbrojtjes së zonave arkitektonike.

“Kjo është një autostradë që do të kalojë vetëm 180 metra larg zonës neo-gotike që është unike në Francë, në vend që të respektojë ligjin pre 500 metra distancë”.

“Kur një ndërtesë është e klasifikuar si e tillë duhet mbajtur distanca prej 500 metra. Ata po anashkalojnë rregullacionin për monumentet e mbrojtura”.

FOTO GALERI

1/5

Disa mijëra protestues kishin dalë sot kundër planeve për një autostradë të re në rajonin Tarn në jug të Francës

Top Channel