Sulmohet shtëpia e Netanyahu-t, dy raketa bien në oborrin e rezidencës së kryeministrit izraelit 16/11 22:45
Koreja e Veriut e përfundoi e satelitit të saj të parë të zbulimit ushtarak dhe lideri i vendit komunist, Kim Jong Un, ka dhënë dritën jeshile për lëshimin e tij.
“Kjo lëvizje bëhet si kundërvënie ndaj kërcënimeve të Shteteve të Bashkuara dhe Koresë së Jugut” , njoftoi media shtetërore atje. Analistët e cituar nga Reuters, thonë se sateliti është pjesë e përpjekjeve të shtetit të izoluar dhe të armatosur me armë bërthamore për të avancuar teknologjinë e tij mbikëqyrjes, duke përfshirë këtu dronët dhe për të përmirësuar aftësinë e goditjes së objektivave në rast konflikti.
Peniani kreu në muajin dhjetor atë që e cilësoi si testimin e “fazës përfundimtare” të satelitit spiun dhe njoftoi asokohe se përgatitjet e lëshimit do të përfundonin brenda prillit. Gjatë një vizite në agjencinë zyrtare të hapësirës të martën, Kim u tha zyrtarëve që të siguroheshin që nisja të kryhej në kohë e urdhëroi edhe lëshimin e disa satelitësh të tjerë të zbulimit, nga sa pohoi agjencia shtetërore e lajmeve KCNA.
Ai i ka kërkuar stafit “zhvillimin e aftësisë së grumbullimit të të dhënave satelitore të inteligjencës duke vendosur disa satelitë zbulues në orbita të ndryshme radhazi”. Në njoftimin e KCNA megjithatë nuk jepen detaje se kur është planifikuar nisja.
Top Channel
