Mbyllen takimet për datën e zgjedhjeve, Begaj: Opinionet udhëhiqeshin nga interesi i zgjedhësve dhe jo nga përllogaritjet meskine 25/11 14:05
Ilir Meta është kryetar i koalicionit Bashkë Fitojmë por nuk dëshiron të identifikohet në fletën e votimit si i tillë.
Demokratët që zotërojnë vulën e Partisë pretendojnë se ai ka frikë që nuk e voton elektorati blu, por për Ilir Metën garën e kanë kandidatët dhe jo kryetarët.
“Respektojmë natyrën e zgjedhjeve vendore. Këto janë lojëra që i bëjnë ata që paguhen nga Rama për të larguar vëmendjen nga superioriteti ynë dhe nga tmerri që kanë. Koalicioni ynë e ka një emër ai është emri Zini Tollovina në Pogradec. Në Tiranë kemi Belind Këllicin. Marrëzia e Ramës për të shpikur veten si kandidat e më fton mua e Berishën në të njëjtën ndeshje është shenjë monizmi sepse nuk ka besim te kandidatët“- tha Meta.
Nga Pogradeci, në një bashkëbisedim me gazetarët ku ishte i pranishëm dhe kandidati Zini Tollovina, Meta mori në mbrojtje edhe Belind Këllicin i vënë në akuzë nga socialistët për programin e tij politik.
“Pse nuk e besojnë nismën për autobusët falas? Sepse vetë bëjnë favorizime.”
Meta, akuzat i vazhdoi për përfaqësuesit e Alibeajt për zgjedhjet vendore, që i cilëson si zhurmuesit e Ramës.
Top Channel
