“Netanyahu nuk arrestohet”, Gjermania mbështet Gjykatën Ndërkombëtare Penale, por jo në këtë rast?
23/11 11:47
Gjykata ruse ka hedhur poshtë ankesën e gazetarit amerikan Evan Gershkovich, kundër paraburgimit të tij.
Gershkovich u paraqit në gjykatë ditën e sotme, pas disa javësh në paraburgim.
Gjykata hodhi poshtë propozimin e avokatit të tij ligjor për ta liruar atë me kusht prej 50 milionë rubla (614,000 dollarë) ose për ta vënë në arrest shtëpie.
Gershkovich do të qëndrojë në një ish-burg të KGB-së të paktën deri më 29 maj. Së bashku me avokatin e tij, në sallën e gjyqit ishte edhe ambasadorja e SHBA-së në Moskë, Lynne Tracy.
Kjo është e njëjta gjykatë ku kritiku i Kremlinit Vladimir Kara-Murza sapo u dënua për tradhti dhe u dënua me burg të hënën. Mediat u lejuan në sallën e gjyqit në fillim të seancës përpara se të dilnin jashtë dhe do të lejohen të kthehen në fund të seancës.
Rusia pretendon se ai po përpiqej të merrte informacione të klasifikuara të mbrojtjes për qeverinë amerikane ndërsa Gershkovich mohon çdo keqbërje. Arrestimi i tij është hera e parë që Moska akuzon një gazetar amerikan për spiunazh që nga koha sovjetike.
Reporterët pa Kufij thanë se Gershkovich po mbulonte grupin mercenar rus Wagner në Yekaterinburg, rreth 1,600 km (1,000 milje) në lindje të Moskës.
Top Channel
