Një shqiptar ka pranuar në gjykatë rolin e tij si trafikant personash me gomone, në një rrjet kontrabandë, ku koordinonte disa lëvizje midis Britanisë dhe Evropës kontinentale.
Banet Tershana së bashku me tre shqiptarë të tjerë dhe një irlandez, të cilët e kanë mohuar veprën, kanë përdorur gomone për të transportuar emigrantë nga Belgjika në Margante, Kent, vitin e kaluar, sipas Agjencisë Kombëtare të Krimit, shkruan Ross Shire Journal.
51-vjeçari pranoi në një seancë dëgjimore në Gjykatën e Nottingham Crown (NCA) të hënën, të mbajtur në Gjykatën e Magjistraturës së Nottinghamit se kishte komplotuar për të shkelur ligjin e imigracionit.
Shqiptarët Arsen Feçi, 44 vjeç, Klodian Shenaj, 48 vjeç, Jetmir Myrtaj, 44 vjeç dhe irlandezi Desmond Rice, 46 vjeç, të cilët mohuan të njëjtën akuzë, do të përballen me akuzat në të njëjtën gjykatë më 24 korrik.
Tershana, Rice, Feçi dhe Shenaj u arrestuan më 28 shkurt nga oficerët e NCA-së, ndërsa Myrtaj u arrestua më 15 mars.
Shenaj, banues në Broxtowe Street, Nottingham, Rice banues në Meadowcroft, Aylesbury, Buckinghamshire dhe Myrtaj, pa vendbanim të caktuar, u lanë në paraburgim, ndërsa Feçi, gjithashtu banues në Broxtowe Street, Nottingham, mbetet në lirim me kusht.
Tershana, banues në Harmsworth Crescent, Hove, East Sussex, iu refuzua një kërkesë për lirim me kusht dhe do të mbahet në paraburgim deri në përfundimin e gjyqit të bashkë pandehurve të tij.
Kjo pasoi dy arrestime më 30 tetor të vitit të kaluar, ku një burrë nga Basingstoke dhe një burrë nga Leicester u kapën kur mbërritën në bregdetin belg, tha NCA në shkurt, sipas medias së huaj.
Dymbëdhjetë migrantë, që besohet se ishin shtetas shqiptarë dhe duke përfshirë një të mitur, u morën në paraburgim nga autoritetet belge, me një gomone të sekuestruar më vonë në Brightlingsea, Essex, tha NCA.
Top Channel
