Presidenti i Malit të Zi, Milo Gjukanoviç është shprehur se autoritetet kompetente shtetërore duhet të zbardhin rastin e sulmit ndaj dy sportistëve të mitur nga Bosnja dhe Hercegovina, të cilët kanë qenë duke u stërvitur në Tivar.
Ai ka shkruar se Mali i Zi nuk mban mend një akt të tillë të turpshëm dhune ndaj mysafirëve, si ai ndaj të rinjve.
Gjukanoviç, në Twitter u ka kërkuar falje të rinjve të sulmuar dhe prindërve të tyre.
“Djem, sportistë të rinj nga Bosnja dhe Hercegovina mike u sulmuan në mënyrë të egër. Më shkatërruesja nga të gjitha do të ishte nëse ai incident vandalizmi do të kishte një konotacion kombëtar dhe fetar. Autoritetet kompetente shtetërore duhet ta ndriçojnë rastin deri në fund, veçanërisht duke pasur parasysh se kohët e fundit në Mal të Zi gjithnjë e më shpesh po hasim në dhunë e bashkëmoshatarëve. Me këtë e kalojmë testin si shoqëri dhe si shtet”, ka shkruar Gjukanoviç.
Top Channel
