Sondazhi/ Musk dhe Trump vlerësohen afërsisht njësoj nga amerikanët, aleanca mes politikanit më të fuqishëm të Amerikës dhe biznesmenit më të pasur 19/12 07:34
Pas atentatit të dyshuar të së shtunës ndaj kryeministrit japonez Fumio Kishida vlerësimet janë shtuar për rojën e tij personale dhe mënyrën se reagoi ndaj sulmit me bombë.
Kishida ishte një fjalim fushate të shtunën (15 prill) për kandidatët e partisë së tij në qytetin port të Saikazaki ku ndodhi incidenti.
Pamjet tregojnë ‘bodyguard’-in’ e Kishida’ që pikas bombën e dyshuar duke u rrokullisur në dysheme kur vepron menjëherë duke e shtyrë fillimisht me valixhen e tij dhe goditur larg me shkelm, në një reagim të shpejtë e të mirëmenduar.
Bodyguard-i shihet më pas që shtyn Kishida larg rrezikut teksa në incident nuk u regjistruan të plagosur.
Disa komentues sugjeronin se valixhja e rojës personale ishte në fakt një mburojë anti-shpërthim prej fibrash, dhe në fakt teksa ai largoi bombën valixhja u hap në një mburojë më të madhe.
Në sulmin ndaj Kishida nuk u plagos njeri dhe kryeministri mundi të vazhdonte fushatën pa incidente të tjera, teksa një person u arrestua për lëshimin e objektit të dyshimtë.
Burri u ndalua nga disa anëtarë të sigurisë teksa një shpërthim i konsiderueshëm ndodhi në vendin ku Kishida qendronte para se të largohej nga rojet.
Sulmi vjen më pak se një vit pasi ish-kryeministri legjendar i vendit Shinzo Abe u qëllua për vdekje gjatë një fjalimi në qytetin Nara në korrik 2022.
Prej atëherë siguria e figurave publike në Japoni është përshkallëzuar.
Top Channel
