Avioni përplaset me disa kamionë teksa zbriste në pistë, tre të plagosur 17/11 22:57
Të paktën shtatë persona u vranë, duke përfshirë një fëmijë, kur persona të armatosur hapën zjarr në një pishinë publike në Meksikë të shtunën, sipas autoriteteve lokale.
Një dëshmitar okular i sulmeve u tha autoriteteve lokale se njerëzit e armatosur kishin mbërritur në pishinë dhe kishin hapur zjarr rreth orës 16:30 me orën lokale të shtunën, më pas dëmtuan një dyqan, kamera sigurie dhe një monitor përpara se të largoheshin.
Videot e mediave sociale shfaqnin njerëz me rroba banje duke bërtitur dhe duke përqafuar fëmijët e tyre.
Ushtria meksikane dhe forcat e sigurisë janë vendosur për të kërkuar personat e armatosur pas sulmit, i cili ndodhi në qytetin Cortazar në shtetin qendror të Guanajuato.
Kur forcat lokale të sigurisë mbërritën në vend, ata gjetën trupa të pajetë, duke përfshirë një fëmijë më të vogël se shtatë vjeç, dhe gëzhoja, tha qeveria komunale në një deklaratë.
Përveç shtatë të vdekurve, një person u plagos rëndë dhe u dërgua në spital, shtoi ajo.
Deri më tani, nuk është bërë asnjë arrestim dhe autoritetet thonë se janë ende duke hetuar motivin.
Top Channel
