Muaji i Ramazanit ka hyrë në javën e tij të fundit por edhe më të rëndësishmen në aspektin fetar, ku gjithmonë 10 ditshi i fundit ka edhe rëndësinë më të madhe dhe vëmendjen më të madhe të besimtarëve.
Ky muaj mbledh me dhjetëra e qindra besimtarë në për xhamitë si mbarë botën. ashtu edhe në vendin tonë apo në Tiranë. Imami i Xhamisë së Selitës, na tregon se çfarë ka patur të ndryshme ky muaj këtë vit.
“Këtë vit ndryshe nga vitet e tjera shohim shumë familjarë që sjellin fëmijët e tyre në xhami. Në xhamin tonë jemi munduar t’i mbajmë sa më pranë besimtarët dhe për të krijuar një atmosferë sa më të mirë duke shtruar çdo natë nga 100 iftare”, tha Ahmed Numanja – imam i Xhamisë së Selitës.
Brenda këtij 10 ditshi të fundit është edhe nata e madhe e Kadrit. Një nga ditët kur edhe fillestarët e besimit islam pavarësisht se nuk agjërojnë gjithë muajin, shpresojnë të qëllojnë në gjetjen e kësaj nate duke e agjëruar dhe u lutur, por për të nuk ka një datë saktë sipas shpjegimit fetar.
“Dita e hënë besimtarët gdhihen agjërueshëm”, u shpreh ai.
Agjërimi vetëm i Natës së Kadrit konsiderohet si një ftesë për të qenë më i vetëdijshëm për rëndësinë që kanë të 30 ditët e muajit të Ramazanit dhe për ta përmbushur të gjithë detyrimin në të ardhmen.
“Një gjest sado i vogël Zoti e sheh me sinqeritet dhe i jep bereqet. I këshilloj të gjithë besimtarët dhe njerëzit e tjerë që çohen për syfyr në këtë ditë agjërimi në kërkim të Natës së Kadrit, që ta vazhdojnë këtë gjë duke u lutur dhe duke shpresuar që Allahu t’ja u a pranojë”, u shpreh Ahmed Numanja – imam i Xhamisë së Selitës.
Top Channel
