Sulmohet shtëpia e Netanyahu-t, dy raketa bien në oborrin e rezidencës së kryeministrit izraelit 16/11 22:45
Miqtë e 21-vjeçarit Jack Douglas Teixeira, të riut të akuzuar për zbulimin e dosjeve të fshehta të inteligjencës amerikane, thonë se ai nuk është një spiun.
Por, pse një aviator relativisht i ri pa motivim të qartë gjoja do të ndajë dokumente shumë të ndjeshme në internet?
Dosjet, të cilat numërohen në dhjetëra, përfshinin informacion konfidencial në lidhje me luftën në Ukrainë dhe çështje të tjera të sigurisë kombëtare.
Hetuesit e FBI-së pa dyshim do të punojnë për të përcaktuar një motiv të mundshëm.
Familja e zotit Teixeira ka një histori shërbimi ushtarak dhe miqtë thonë se ai ka dashur prej kohësh të bashkohet me ushtrinë, duke ngritur pyetje të mëtejshme se pse i dyshuari mund të rrezikojë sigurinë kombëtare të SHBA-së duke nxjerrë dosjet.
Njerku i tij doli në pension pas 34 vitesh shërbimi ushtarak, ndërsa nëna e tij më parë punonte për organizata jofitimprurëse të fokusuara te veteranët.
Familja jeton në North Dighton, Massachusetts, dhe Teixeira u diplomua nga shkolla e mesme atje në vitin 2020. Ai u arrestua jashtë shtëpisë rurale të familjes nga agjentë të FBI-së të armatosur rëndë të enjten.
Fqinjët e përshkruan atë si “të madh në videolojërat”, por thanë se ai ishte “një fëmijë i mirë, jo një ngatërrestar”.
Teixeira dyshohet se së pari zbuloi skedarët në platformën e bisedës në internet Discord, e cila është e njohur në mesin e lojtarëve.
I njohur si “OG”, ai shihej si drejtuesi i një chatroom vetëm me ftesa të quajtur Thug Shaker Central që ai krijoi gjatë kulmit të pandemisë së koronavirusit në 2020.
Washington Post raportoi se grupi – i cili kishte disa anëtarë, shkëmbeu meme, shaka ofenduese dhe biseda të.
Thuhet se ata panë filma së bashku, diskutuan armët e tyre të preferuara dhe dërguan mesazhe gjerësisht për luftën në Ukrainë.
Para se të shpërndante imazhet e inteligjencës, zoti Teixeira dyshohet se shkroi versione të informacionit të ndjeshëm dhe i shpërndau ato.
Por thuhet se ai filloi të shpërndante foto të dosjeve pasi u zhgënjye me mungesën e përgjigjes.
Në fillim, rrjedhjet u mbajtën brenda dhomës së vogël të bisedës, por në fillim të marsit, anëtarët filluan t’i postonin ato në serverë të tjerë Discord, duke përfshirë ata të dedikuar për lojën Minecraft dhe një YouTuber filipinas.
Thuhet se ai ka përdorur emra të ndryshëm përdoruesish në internet, si TheExcaliburEffect, jackdjdtex dhe TexKilledYou.
Top Channel
