“Fati” i vulës së PD-së, gjykata e Apelit cakton datën për rigjykimin e çështjes 17/05 20:48
Nga njësia numër pesë në kryeqytet ku prezantoi programin elektoral, kandidati i koalicionit “Bashkë Fitojmë” Belind Këlliçi deklaroi se nuk do të lejojë shembjen e pallateve 50-vjeçare.
Ai tha se do të formojë një komision auditi me qëllim verifikimin edhe njëherë të të gjitha godinave nëse janë të sigurta apo jo. Ndërsa akuzoi kryebashkiakun Erjon Veliaj për akt-ekspertiza të porositura.
“Pallatet 50-vjeçare nuk do të shemben! Ne bashkë, të gjithë sa jemi, do u shembim sistemin që kanë ngritur, që prishin pallatet tuaja për të ngritur pallatet e tyre. Të prishim pallatet “Agimi” për të ndërtuar pallatet “Erioni”?! Në dorë e keni. Hiqni atë nga bashkia ose ju heqë ai nga shtëpia! Ndryshimi është në duart e tua!”, tha Këlliçi.
Këlliçi premtoi gjithashtu se nëse fiton në fokus të punës së tij do të jetë ulja e kostos së jetesës në Tiranë. Ai përmendi premtimin e tij për transport urban falas.
“Premtimi im solemn në këtë fushatë është që do të ul koston e jetesës në Tiranë. Qiratë e larta, çmimi i apartamenteve është tejet i lartë”, tha ai.
Këlliçi premtoi një shkollë të re për njësinë 5 në Tiranë por dhe uljen e taksave dhe tarifave vendore
Top Channel
