Besimtarët katolikë të Durrësit po kremtojnë ngjalljen e Krishtit. Festimet nisën në mesnatë për të vijuar paraditen e sotme ku besimtarët kanë uruar njëri-tjetrin për shëndet e mbarësi.
Festa e Pashkës konsiderohet dita më e rëndësishme e kalendarit festiv për kishën dhe besimtarët katolikë, pasi simbolizon rilindjen e shpresës, forcën e besimit te Zoti dhe çlirimin e njerëzve nga mëkati.
Besimtarë të shumtë mbushën kishën e Shën Dominikut në Durrës për të ndjekur meshën e shenjtë, e cila u drejtua nga famullitari Atë Bernard Caruana. Mesha festive u mbajtën në të gjitha kishat katolike të Durrësit.
Top Channel
