Mbante pa leje armë zjarri automatik, arrestohet 64-vjeçari në Krujë
07/04/2023 10:33
Pa shi, por me temperatura të ulëta, parashikimi i motit për ditën e sotme 23/11 07:09
Një 64-vjeçar ka rënë në prangat e policisë në Krujë pasi mbante armë zjarri pa leje.
Për armë mbajtje pa leje ra në pranga B. I., 64 vjeç, banues në Krujë.
Shërbimet e Policisë gjetën dhe sekuestruan në cilësinë e provës materiale, një armë zjarri automatik PMSH dhe dhjetëra fishekë luftarak, që mbaheshin pa leje nga shtetasi i arrestuar B. I.
“Shërbimet e Komisariatit të Policisë Krujë, në vijim të punës operacionale të mbështetur nga inteligjenca informative, me fokus evidentimin dhe goditjen e mbajtjes pa leje të armëve të zjarrit, kanë konstatuar një tjetër rast të kësaj veprimtarie kriminale, për të cilin u kap në flagrancë dhe u arrestua shtetasi: -B. I., 64 vjeç, banues në Krujë. Shërbimet e Policisë gjetën dhe sekuestruan në cilësinë e provës materiale, një armë zjarri automatik PMSH dhe dhjetëra fishekë luftarak, që mbaheshin pa leje nga shtetasi i arrestuar B. I.”- njofton policia.
Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.
Top Channel
