VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Barcelona u shokua nga Real Madrid në gjysmëfinalen e kthimit të Kupës së Mbretit. “Los Blancos” triumfuan 0-4 në “Camp Nou”, duke përmbysur humbjen 0-1 në Madrid dhe duke siguruar kualifikimin në finalen e madhe.
Karim Benzema shkëlqeu me një tregolësh, ndërkohë që Xavi u shpreh se nuk duhen gjetur justifikime për këtë humbje të rëndë. Pas ndeshjes, trajneri i Barcelonës u shpreh: “Reali ishte superior. Është një humbje e vështirë për t’u kapërdirë. Nuk duhet të gjejmë justifikime. Goli i dytë na penalizoi shumë. Më pas penalltia… Por edhe detajet vendosën.”
“Ne nuk i shfrytëzuam rastet tona. Nuk e thashë kot përpara që Reali ishte favorit. Ata janë fituesit e Champions League, janë një skuadër e madhe”, deklaroi trajneri i katalanasve”, shtoi ai.
Gjithsesi, Barcelona është pranë fitimit të titullit kampion, pasi kryeson La Liga-n me 12 pikë mbi Realin.
Kjo ishte hera e katërt që dy skuadrat e mëdha spanjolle përballen mes tyre gjatë vitit 2023. Tri ndeshjet e para ishin fituar nga Barça./ SuperSport
Top Channel
