Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Në imazhe të pazakonta sot nga Filipinet shiheshin burra katolikë që në një ritual të dhunshëm fetar të para-Pashkëve, që goditeshin të përgjakur me kamzhikë, teksa marshonin pranë kryeqytetit.
Shumë filipinas performojnë ritualin e sakrificës fetare në javën para Pashkëve me besimin se do të pastrojnë mëkatet dhe sëmundjet e tyre si dhe me shpresën e plotësimit të dëshirave.
Ka rreth 90 milionë katolikë në Filipine, numri i tretë më i madh në botë pas Brazilit dhe Meksikës.
Shumë prej tyre morën pjesë në ritualin e të dielës që shënon hapjen e Javës së Shenjtë të Pashkëve me rituale lutjeje dhe vetë-goditjesh me kamzhikë.
Në pamje shihen të penduarit që marshojnë në rrugët e Mandaluyong teksa godasin veten e njëri-tjetrin me kamzhikë bambuje.
Forca e goditjeve bën që kurrizi i tyre të përgjaket, teksa shumë nga “të penduarit” goditen teksa qëndrojnë të shtrirë me fytyrë nga toka.
Të devotshmit e zbathur shihen gjithashtu të gjunjëzuar në rrugë duke kryer ritualin e dhunshëm teksa spektatorë i shikojnë me admirim.
Të tjerë shihen me duar të lidhura teksa kamzhikët me maja bambuje godasin trupin e tyre.
Janë disa rituale katolike filipinase që riprodhojnë ngjarjet e “Të Premtes së Mirë”, siç është ngullitja e vetes në kryq.
63 vjeçari Ruben Enaje, thotë se të premten do të ngulet me gozhdë në kryq për të 34 herë në ritualin e adhurimit të Krishtit.
Shumica e katolikëve që përbëjnë 80 përqind të filipinasve, raportohet e e konsiderojnë vetë-goditjen me kamzhik një ekzagjerim ose keqinterpretim të besimit, shkruan rrjeti britanik The Sun.
Kretë fetarë në vend thonë se aktet e sakrificës e devotshmërisë duhet të mjaftohen me lutje, bamirësi dhe veprime dashurie.
Top Channel
