Eventi i madh i boksit në Angli, vjen fitorja e parë nga një shqiptar 22/11 22:35
Milani fitoi 0-4 takimin e kampionatit përballë Napolit, sfidë ku skuadra e Spallettit nuk ishte e impenjuar maksimalisht. Diferenca e madhe me ndjekësit i bën komodë lojtarët napolitanë.
Këto dy skuadra do të përballën edhe dy herë të tjera mes tyre në ditët e ardhshme, për llogari të çerekfinaleve të Champions League. Tensioni nuk mungoi në fundin e ndeshjes. Protagonistë ishin Luciano Spalletti dhe Paolo Maldini. Trajneri i Napolit po ankohej tek arbitri, ndërkohë që aty pranë kaloi edhe drejtuesi i kuqezinjve.
“Trajner, dukesh shumë nervoz. Ti e ke fituar kampionatin, çfarë dreqin kërkon?”, iu drejtua trajnerit kundërshtar legjenda e Milanit.
Ky i fundit zbuloi edhe versionin e tij: “Po i kërkoja llogari arbitrit për ndëshkimin e Lobotkas me karton të verdhë. Aty kaloi Maldini, i cili ngriti duart lart si për të thënë se ‘gjithmonë ankohesh’.
Nëse ekziston dikush që proteston, janë ata të Milanit. Njësoj si vitin e kaluar. Nuk më pëlqeu fakti që ai ndërhyri kur po flisja me arbitrin. U mërzita disi. Gjithsesi, ai është Paolo Maldini”, u shpreh Spalletti.
Top Channel
