Fundjavë me shtrëngata shiu e reshje dëbore! Si pritet të jetë moti javën e ardhshme 29/11 15:22
Të paktën tre mijë italianë e kanë Vlorën shtëpi të dytë. Në qytetin bregdetar gjen grupmosha të ndryshme italianësh me banim, jo vetëm pensionistë por dhe nga ata që punojnë.
“Quhem Renato Jorilo.Kemi ardhur ne Shqipëri sepse mendojmë qe Shqipëria eshte vendi me i afërt me Italinë dhe sepse na pëlqejnë sfidat”, thotë një italian.
“Jam Paskuale Belvizo pensionist, ish-punonjës i hekurudhës. Në Itali, ka paragjykime por unë i kam sfiduar dhe kur erdha në Shqipëri, sapo zbrita nga anija kuptova qe historia është ndryshe dhe qyteti më magjepsi. Unë jam kalabrez dhe mendoj qe kemi shumë të përbashkëta me shqiptarët dhe sidomos me vlonjatët”, shprehet një tjetër.
“Përshëndetje të gjithëve, jam Max kam një faqe interneti shumë të njohur në Shqipëri dhe në Itali, quhet jeta ime e re në Shqipëri dhe ka 100 mijë ndjekës në Facebook dhe në YouTube. Unë kam ardhur në Shqipëri dhe kam krijuar një agjenci udhëtimi, së bashku me gruan. Nga ky moment, në 5 vite Shqipëria do jetë top”.
“Quhem Monica Suela jam mësuese kërcimi oriental, e diplomuar ne Itali al Coni dhe jam këtu për të përhapur artin tim”.
Me punë ose në pension Shqipëria për këta shtetas të huaj është e mrekullueshme. Ata u bëjnë thirrje dhe të rinjve shqiptarë që të mos largohen ndërsa thërrasin edhe bashkatdhetarë të tjerë t’u bashkohen në Vlorë.
Top Channel
