Një sherr mes të rinjve përfundoi në përdorimin e armëve të ftohta këtë të enjte në një shkollë të Paskuqanit.
Dy 15-vjeçarë, nxënës në shkollën “Jashar Hoxha” janë konfliktuar dhe njëri prej tyre ka goditur me mjet prerës bashkëmoshatarin.
Nuk dihen shkaqet e përplasjes mes adoleshentëve, ndërkohë që policia ka shoqëruar autorin e ngjarjes. Shoku i tij ndodhet në spital, nën kujdesin e mjekëve.
Një tjetër sherr me thika mes adoleshentëve ndodhi mbrëmjen e kaluar në kryeqytet, në zonën e Komunës së Parisit.
Një 20-vjeçar i identifikuar si A. Beta goditi me mjet prerës 19-vjeçarin E. Tuçe. Si pasojë e konfliktit, Tuçe ka mbetur i plagosur rëndë. Ngjarja ndodhi në një qendër lojërash kompjuterike në rrugën “Bilal Golemi”, ndërsa pas sherrit policia gjeti dhe arrestoi autorin.
Top Channel
