Shtatë mënyra se si mund të rrisni besimin tuaj pa qenë mendjemëdhenj

Mënyra se si dikush është rritur dhe trajtuar si fëmijë mund të ndikojë qëndrimin e tyre në të ardhmen. Gjithashtu, në kohën e sotme, marketingu i produkteve synon t’i bëjë njerëzit të ndihen sikur u mungon diçka në mënyrë që të blejnë një produkt për të mbushur atë boshllëk.

Më poshtë janë listuar disa këshilla që i ndihmojnë njerëzit të rrisin besimin e tyre dhe janë mjaft të dobishme.

1. Përpiquni të injoroni besimet tuaja kufizuese

Ndonjëherë njerëzit priren të përqendrohen në gjërat që ata mendojnë se janë të pamundura për ta dhe këto mendime bëhen pengesë për ta. Ata nënvlerësojnë aftësitë dhe e lënë negativitetin të rrjedhë në jetën e tyre. Kur momente të tilla shfaqen para jush, kthejini gjërat dhe thojini vetes se mund ta provoni. Nuk është turp të provosh dhe nëse ia del mbanë, do t’i dëshmosh vetes se asgjë nuk është e pamundur.

2. Përballuni me frikën tuaj dhe fitoni kontrollin e jetës suaj

Kur e lëmë frikën të na pushtojë, ne priremi të humbasim kontrollin e jetës sonë dhe gjithashtu të humbasim besimin tonë. Pra, në vend që t’i dorëzohemi frikës sonë më të madhe, ne mund të vendosim t’i shikojmë ato drejt e në sy, është e vetmja mënyrë për t’i pushtuar dhe për t’i lënë pas një herë e përgjithmonë. Është një fitore personale që na tregon se si mund të kemi kontrollin e jetës sonë pa marrë parasysh çfarë.

3. Mos e krahasoni veten me të tjerët

Në një studim të vitit 2018, studiuesit zbuluan se njerëzit që e krahasojnë veten me njerëzit në mediat sociale ndjejnë shumë zili. Dhe duke qenë se ndiheshin ziliqarë ndaj njerëzve të tjerë, ata gjithashtu ndiheshin të tmerrshëm për veten e tyre. Për ta mposhtur atë, duhet t’i kujtoni gjithmonë vetes sukseset tuaja në jetë dhe gjërat që keni arritur deri më tani. Ajo që shihni në internet nuk është gjithmonë e saktë dhe ju duhet ta mbani atë në mendjen tuaj.

4. Jini të sigurt

Stresi dhe mungesa e vetëvlerësimit është ajo që shpesh i bën njerëzit të kenë mungesë sigurie në aktivitetet e tyre të përditshme. Por kjo është një aftësi shumë e rëndësishme komunikimi që i bën të tjerët t’ju respektojnë dhe tregon se jeni gjithmonë në mbrojtje të të drejtave tuaja. Mënyra se si qëndroni dhe mënyra se si i shprehni fjalët tuaja luan një rol të madh në dëgjimin dhe respektimin e mendimit tuaj. Ju nuk duhet të jeni të turpshëm kur kërkoni të drejtat tuaja themelore.

5. Kujdesuni për mendjen dhe trupin tuaj

Ka katër gjëra për të cilat truri dhe trupi juaj kanë nevojë: dietë e mirë, stërvitje, gjumë dhe meditim. Këto janë gjithashtu aktivitete që ju ndihmojnë të rrisni vetëbesimin dhe të dukeni më të sigurt në shoqëri. Të katër këto aktivitete janë vërtetuar se rrisin vetëvlerësimin dhe besimin, duke ju dhënë një qëndrim më pozitiv.

 

6. Mos kini frikë të merrni meritat për arritjet tuaja

Disa njerëz kanë frikë se mburrja për arritjet e tyre do t’i bëjë ata të duken arrogantë dhe kryelartë. Por, kjo është e gabuar, pasi t’i bëni të ditur shefave tuaj një sukses tuajin mund të jetë shumë e dobishme për ju. Jo vetëm kaq, por do të ndiheni mirë edhe me veten duke e ditur se puna juaj e mirë njihet nga ata që kanë më shumë rëndësi. Por sigurisht duhet të siguroheni që përdorni gjuhën dhe qëndrimin e duhur.

7. Mësoni një aftësi të re

Askush nuk di gjithçka dhe nuk është i përsosur. Ju mund t’i drejtoheni podkasteve dhe librave të mentorimit për frymëzim dhe të filloni të punoni në aftësitë tuaja. Ndërsa njohuritë tuaja vazhdojnë të rriten, do të shihni se vetëbesimi juaj gjithashtu ngrihet në qiell në mënyrën më të mirë të mundshme. Plotësimi i boshllëqeve që ndjeni se keni nuk do t’ju ndërtojë vetëm në sytë tuaj, por edhe në sytë e të tjerëve.

Top Channel