Mbrëmjen e të premtes së datës 25 mars pati të shtëna me armë në vendin e quajtur si mbikalimi i Ishullit ku 3 persona kanosen me armë Ednant Lulajn, dhe në ikje janë përplasur me një mjet tjetër.
Pas publikimit në media policia doli me deklaratë zyrtare duke e mohuar këtë ngjarje dhe se kishte ndodhur vetëm një aksident automobilistik.
Pamjet e siguruara nga Top Channel në vendin e ngjarës tregojnë të kundërtën e asaj që policia tha në deklaratën zyrtare. Sipas gazetares së Top Channel Brixhilda Deda, në vendin e ngjarjes erdhën FNSH në ndihme të grupit shqiponja ku u bë dhe shoqërimi i disa personave, gjithashtu u bë dhe këqyrja e mjetit tip audi Q5.
Në një tjetër deklaratë pas 2 ditësh policia del në një tjetër version zyrtar duke pohuar që Anteo Fizi, Kristian Gjergji dhe David Doda kanë kanosur me armë zjarri Ednant Lulajn.
Burime të sigurta për TCh bëjnë me dije se një gëzhoje e gjetur poshtë urës ka çuar edhe në zbardhjen e plotë të kësaj ngjarje. Policia e Lezhës ka arrestuar Anteo Fizin dhe ka shpallur në kërkim 2 shokët e tij Kristian Gjergjin dhe David Doden gjithashtu Ednant Lulaj është shpallur në kërkim për mos kallëzim krimi.
Top Channel
