Zgjedhjet në Mal të Zi, Gjukanoviç në avantazh ndaj Milatoviç
19/03/2023 22:52
Varri i Enver Hoxhës u hap me dinamit në 1992? Dëshmia e rrallë e ekspertit që mori pjesë në zhvarrim: Letra që gjetëm brenda kufomës… 20/04 13:33
Janë mbajtur zgjedhjet presidenciale ditën e sotme në Mal të Zi, ku sipas të dhënave të Qendrës për Tranzicionin Demokratik (CDT) kanë marrë pjesë 344.700 votues.
Mediat malazeze bëjnë me dije se kandidati presidencial i DPS-së Milo Gjukanoviç pritet të dalë fitues me 36.2 për qind të votave, sipas parashikimeve paraprake të rezultateve të CeMI (Qendra për Monitorim dhe Hulumtim – një organizatë joqeveritare), në 33.5 për qind të mostrës së përpunuar.
Ndërsa kandidati tjetër Jakov Milatoviç ka 23,9 për qind, ndër tjerash, Andrija Mandiç i Frontit Demokratik 23,4 për qind dhe Aleksa Beçiç i Malit të Zi Demokratik 11,9 për qind.
Në rast se asnjë kandidat nuk merr numrin e duhur të votave, raundi i dytë i zgjedhjeve do të mbahet brenda 14 ditësh, pra më 2 prill.
Në raundin e dytë marrin pjesë dy kandidatët që kanë fituar numrin më të madh të votave.
CDT kujtoi se 73,3 për qind e votuesve votuan në zgjedhjet parlamentare të vitit 2016, 63,9 për qind në zgjedhjet presidenciale 2018 dhe 76,6 për qind e votuesve votuan në zgjedhjet parlamentare të 2020 deri në orën 20:00.
Top Channel
