Samiti i planifikuar i paqes në Ukrainë, Kremlini i përgjigjet propozimit zviceran: Do jetë i kotë pa pjesëmarrjen e Rusisë 16/05 08:20
Pas rënies së Silicon Valley Bank në Amerikë, efekti po ndjehet edhe në Europë, konkretisht në bankën zvicerane Credit Suisse.
Aksionet e bankës së dytë më të madhe zvicerane ranë në nivelet më të ulëta historike, pasi huadhënësi kryesor i saj, Banka Kombëtare Saudite, tha se “absolutisht nuk do të rriste” aksionet e saj.
Komenti që erdhën nga Ammar Al Khudairy, kryetari Bankës Saudite, vjen pas shqetësimeve në tregjet evropiane për rimëkëmbje ne sektorit bankar.
Vlera e tregut të Credit Suisse kishte marrë tashmë një goditje të rëndë këtë javë për shkak të frikës së infektimit nga rënia e dy bankave amerikane dhe raportit të saj vjetor duke përmendur “dobësi materiale” në kontrollet e brendshme.
Frika për bankën po përhapej përtej kufijve të Zvicrës.
Një zëdhënës i Thesarit të SHBA tha se po “monitoronte” problemet rreth Credit Suisse dhe ishte “në kontakt me homologët globalë”.
Dhe kryeministrja franceze Elisabeth Borne u bëri thirrje autoriteteve zvicerane që të ndërhyjnë dhe të “zgjidhin” problemin, duke shtuar se ministrat francezë dhe zviceranë të financave do të flisnin në orët e ardhshme.
Top Channel
