Balluku në Kuvend: Aeroporti i Mynihut vendosi marrjen përsipër të operacioneve të aeroportit ndërkombëtar të Vlorës

Me këtë vendim, sipas ministres së Infrastrukturës dhe Energjisë, Shqipëria futet në një hartë ekskelence të operimeve të aviacionit civil.

Balluku: Gjej rastin të them se dje bordi drejtues i aeroportit të Mynihut ka vendosur të marrë përsipër operacionet e aeroportit ndërkombëtar të Vlorës. Duke e futur Shqipërinë në një hartë ekskelence të operimeve të aviacionit civil. Ky është një lajm i shkëlqyer pasi punimet në infrastrukturën e aeroportit të Vlorës janë duke ecur me ritme të shpejta, ka përfunduar thuajse trupi i një piste 3.2 km e cila do të jetë pista më e gjatë në Ballkan duke akomoduar fluturimet trans oqeanike.

Në lidhje me projektligjin “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut, për delegimin e shërbimeve të trafikut ajror në një pjesë të hapësirës ajrore mbi liqenin e Ohrit”, Balluku theksoi se lehtëson operimet mes vendeve kufitare.

Balluku: Marrëveshja mes Këshillit të ministrave të delegimit të trafikut ajror lehtëson operimet mes vendeve kufitare, pasi janë kryer të gjitha veprimtaritë për sa i përket sigurisë ajrore, pasi ka pasur negocim të gjatë palët kanë negociuar [për të lejuar përdorimin e hapësirës ajrore mbi liqenin e Ohrit. Shqipëria si një lider rajonal në fushën e zhvillimit të aviacionit civil ka kënaqësinë që të ndihmojë Maqedoninë e Veriut në kryerjen e operacioneve të aviacionit.

Aviacioni civil në Shqipëri prej vitesh ka një zhvillim të jashtëzakonshëm duke nisur nga aeroporti i Tiranës, ka arritur të ketë një terminal të ri, edhe Tirana ka marrë përsipër shtimin e pistës, pa harruar Kukësin i cili do të kthehet në operacional, gjatë verës në vitin e ardhshëm në aeroportin e Tiranës synojmë të kemi 6.4 mln pasagjerë.

Top Channel