Sokratis Famellos zgjidhet lideri i ri i Syriza-s/ Do përballet me sfidën e unitetit dhe rimëkëmbjes 25/11 11:26
Një muzikant ka vdekur papritur pasi humbi ndjenjat në skenë para audiencës së shokuar, gjatë performancës në një koncert në Afriken e Jugut.
Këngëtari afrikano-jugor Costa Titch vdiq nga ataku kardiak në spital pak pasi humbi ndjenjat gjatë këngëve të tij në festivalin ‘Ultra Music Festival.’
Emri i tij i vërtetë ishte Constantinos Tsobanoglou, teksa kishte marrë disa çmime që kur hyri në industrinë e muzikës në vitin 2020.
Costa kishte nënshkruar kohët e fundit me studiot e regjistrimit të artistit Akon, ‘Konvict Kulture’.
Në pamje të regjistruara të momenteve tragjike, që shumë media zgjodhën të mos i publikojnë – këngëtari në skenën e ‘Nasrec Expo’ në Johannesburg duket se rrëzohet gjatë këngës së tij.
Por i ndjeri ringrihet dhe përfundon këngën, teksa duke qëndruar para fansave që duartrokisnin, ai shembet papritur përdhe.
Familja e tij konfirmoi më vonë humbjen e jetës teksa falënderonte fansat për mbështetjen.
“Vdekja tragjikisht na ka trokitur në derë, duke na marrë djalin tonë të dashur, vëllanë e nipit e shkëlqyer”.
“Familja Tsobanoglou ju falënderon për dashurinë e mbështetjen që i keni dhënë djalit tonë”, shkruanin familjarët.
Kohët e fundit Costa kishte folur për gëzimin që kishte nënshkruar me studiot Konvict Kulture.
Ai thoshte: “Pas suksesit të katalogut të 2022 mendova se është koha të bashkohem me një kompani të madhe për të punuar në shkallë ndërkombëtare”.
Top Channel
