E rëndë! Aksident me vdekje në Dibër, humb jetën 20-vjeçari
11/03/2023 15:01
Përfshihet nga flakët banesa në Lushnje, dëme të shumta materiale
22/01 17:40
Një ngjarje e rëndë është shënuar gjatë pasdites së sotme në aksin rural të fshatit Melan në Dibër, ku një makinë ka dalë nga rruga duke u përmbysur dhe për pasojë nga humbur jetën pasagjeri i automjetit Armend Spahiu.
Fillimisht ngjarja është pikasur nga kalimtarët e rastit të cilët kanë njoftuar policinë dhe ambulancën.
Menjëherë në vendngjarje ka shkuar policia dhe ambulanca, por fatkeqësisht 20-vjeçari nuk ka arritur me shenja jete pranë spitalit rajonal të Peshkopisë.
Automjeti drejtohej nga një 18-vjeçar me emrin Roni Kata, i cili po merr mjekim në spital.
Ndërkohë grupi hetimor ka nisur hetimet rreth kësaj ngjarje të rëndë.
Dibër/Informacion paraprak
Sot, rreth orës 14:15 në rrugën dytësore të fshatit Melan, shtetasi R.K., 18 vjeç, duke drejtuar automjetin tip “Golf”, ka humbur kontrollin mbi drejtimin e mjetit dhe mjeti ka dalë nga rruga.
Si pasoje e aksidentit ka humbur jetën pasagjeri shtetasi A.S., 20 vjeç.
Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
Top Channel
