Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
Gjetkë nëpër botë, kjo praktikë ndodh shpesh të mos merret seriozisht.
Por në Danimarkë, arkeologët amatorë që gjurmojnë thesaret nga e kaluara me detektorë metalesh konsiderohen një aset I vërtetë, aq sa muzeu kombëtar i vendit i ka kushtuar atyre një ekspozitë që mban titullin “Jagten på Danmarkshistorien” – apo “Kërkimi i historisë së Danimarkës”.
“Ne po ndërtojmë historinë tonë së bashku”, thotë Line Bjerg, kuratorja e ekspozitës, e cila nxjerr në pah punën e jashtëzakonshme vullnetare të këtyre të apasionuarve pas arkeologjisë.
“Kjo ekspozitë praktikisht është një lloj përkëdhelie që ne i japim arkeologëve amatorë, sepse puna e tyre është vërtet e rëndësishme. Ajo që zbulojnë ata tani ndihmon të ardhmen, ndihmon që ne të ndërtojmë muze ku këto objekte të kenë mundësi ekspozimi. Nëse nuk e bëjmë këtë, atëherë, historia jonë thuajse do të zhduket.”– tha Line Bjerg, kuratore.
“Është diçka unike vërtet, që po e ndërtojmë bashkë historinë tonë në Danimarkë, e përpos të tjerash, është edhe çështje besimi.”– tha Line Bjerg, kuratore
Në vendin skandinav, ish-shtëpi e vikingëve, njerëzit mund të përdorin detektorët e tyre pothuajse kudo, me kusht që të kenë lejen e pronarit të tokës dhe të mos gërmojnë përtej shtresës së sipërme të saj. Çdo zbulim që duket antik duhet t’i dorëzohet muzeut lokal, i cili bën vlerësimin fillestar përpara se t`ia kalojë muzeut kombëtar që përcakton dhe shpërblimin e bërë, sipas rastit.
Top Channel
