Pas vendimit të Gjykatës Kushtetuese/ Taksat e paguara të profesionistëve të lirë do të kthehen në dhjetor
21/11 17:52
Rritja e çmimeve është ngadalësuar edhe në shkurt. Kjo ka bërë që inflacioni të shënojë rënie për të katërtin muaj radhazi dhe të zbresë në 7.1% muajin e kaluar, nga 3.9% që ishte një vit më parë.
Por, me gjithë frenimin e lehtë artikujt ushqimorë vijojnë të mbeten grupi që ka ndikuar më shumë inflacionin, me rritje dyshifrore krahasuar me shkurtin e vitit të kaluar.
Çmimet e ushqimeve dhe pijeve joalkoolike rezultojnë 13.5% më të shtrenjta se kundrejt të njëjtës periudhë të vitit 2022.
Më e fortë rritja konstatohet për produktet e bulmetit veccanërisht që janë rritur me gati 28% më shumë, ndjekur nga nëngrupet e vajrave e yndyrnave, produktet e peshkut e mishit si dhe buka e drithërat që qytetarët prej më shumë se një vitit po i blejnë ato më shtrenjtë.
Ndërkohë, vijon rritja e çmimeve për qiratë, faturat e ujit energjisë ndërsa gjithnjë e më shtrenjtë kushton të arredosh e mobilosh shtëpinë.
Të vishesh, të argëtohesh e të frekuentosh baret e restorantet po ashtu po kushton më shtrenjtë pasi rritja e çmimeve për këto grupe ka vijuar edhe përgjatë shkurtit.
Ndikim në ecurinë e inflacionit ka dhënë edhe transporti, me çmimet e karburanteve që edhe në tregun vendas kanë pësuar luhatje të herëpashershme duke qëndruar në nivele ndjeshëm më të larta se një vit më parë.
Top Channel
