Megaoperacioni/ GJKKO lë në burg 9 të arrestuarit, çfarë pretendojnë avokatët 19/05 15:26
Në vjeshtën e shkuar dy grupimet e Partisë Demokratike tentuan pa sukses afrimin, ndërsa sot po kërkohet një shans i dytë për bashkim para zgjedhjeve.
Por, fati i negociatave duket se është i përcaktuar që në nisje për dështim pasi grupimi Berisha ka vendosur ti mbyllë derën ofertës së Alibeajt pas vendimit të Apelit për vulën.
“Së pari që kur del nga goja e Alibashëve nënkuptohet që është thjesht hipokrizi dhe koha e ka provuar këtë, vulën ua jep Rama. Janë hapur bashkëpunëtorë të Ramës pas aktit qe ndodhi në gjykate dhe tani papritur propozojnë bashkëpunim me PD. Si papritur këta pranojnë kandidatët e primares dhe atehere kur bëheshin negociatat nuk i njihnin primaret. Është hipokrizi ne vazhdën e lojës për ta dëmtuar PD në zgjedhje për të cilat tentuan ta linin jashtë PD në zgjedhje.”- tha Paloka.
Situata juridike e detyron Sali Berishën të shkojë me koalicion në zgjedhjet e pranverës. Dera është e hapur për partinë e Ilir Metës dhe Vangjel Dules që shihen si strehë për kandidatët e primareve.
“Duhet gjetur formula optimale për të realizuar koalicionin po bisedimet janë me gjithë aleatet dhe gjithë partitë e spektrit tone dhe atyre qe janë parti opozitare.”- tha Paloka.
Por, nëse duan të garojnë si koalicion, Kodi Zgjedhor i detyron të paraqesin një listë të përbashkët kandidatësh për këshillat bashkiak, aty ku Ilir Meta e ka bërë të qartë se kërkon terren të lirë.
“Kemi një marrëveshje historike me PD, edhe sa i takon këshillave.”- tha Meta kreu i Partisë së Lirisë.
Top Channel
