Zgjedhjet në Tuz të Malit të Zi/ Përfundon procesi i votimit, nis numërimi i votave
05/03/2023 20:18
“Ja pse Metës i intereson largimi i Monikës”, Artan Hoxha: Ai po kopjon Ramën, po vepron si kryeministri para 13 viteve 27/04 10:27
Ka përfunduar procesi i votimit në komunën e Tuzit në Malin e Zi.
Tashmë ka nisur procesi i numërimit për të zgjedhur fituesin. Ky proces zhvillohet në ato qendra ku qytetarët shprehën vullnetin e tyre me votë, prandaj rezultati do të dalë për rreth 1 orë.
Në garë janë shtatë kualicione për 32 mandate. Koalicioni që fiton më shumë këshilltarë fiton të drejtën për të përcaktuar kryetarin e komunës për 4 vitet e ardhshme.
Ditën e sotme në Tuz të Malit të Zi, komunë me shumicë shqiptare, u mbajtën zgjedhjet vendore ku garojnë katër koalicione dhe tre forca politike të pavarura.
Këto janë zgjedhjet e dyta, pasi komuna fitoi pavarësinënga Podgorica, katër vite më parë.
Nik Gjeloshaj, kërkon të marrë një mandat të dytë me koalicionin “Forumi Shqiptar, Bashkim e Zhvillim”.
Ai ka mbledhur pjesën më të madhe të forcave politike shqiptare në Mal të Zi pavarësisht se ende shqiptarët vazhdojnë të jenë të shperndarë madje duke përfaqësuar edhe partinë e presidentit Milo Gjukanoviç.
Këto zgjedhje konsiderohen si shumë të rëndësishme në komunën që mbizotërohet nga shqiptarët për shkak edhe të klimës jo fort të mirë kohët e fundit dhe trysnisë anti-shqiptare.
Për këtë, nga Amerika, kanë mbërritur me qindra shqiptarë, vetëm për të marrë pjesë në votime.
Top Channel
