Zbuloni disa nga simptomat e kancerit të gjakut 23/11 08:08
Njerëzimi konsumon mbi 100 miliardë banane në vit.
Ky frut me lëkurë të verdhë përmban sasi të larta kaliumi dhe pektine por edhe magnez, vitaminë C dhe B6.
Bananja besohet të jetë fruti i parë i kultivuar në botë dhe gjurmë të saj janë gjetur në Guinean e Re që datojnë deri në 8000 vjet para erës sonë.
Ky frut numëron plot 1000 varietete të ndryshme por të gjitha bananet që gjejmë në dyqan janë të varietetit Cavendish, vendlindja fillestare e së cilës është Azia Juglindore.
A Mos Vallë Jemi Pranë Zhdukjes Së Bananes Që Njohim ?
Së fundmi, ky varietet është bërë shënjestra e insekteve por po vuan edhe pasojat e ndryshimeve klimatike.
Sulmet e insekteve ndaj bananeve kanë qenë të vazhdueshmë në 25 vitet e fundit, për vetë faktin se këto patogjenë ushqehen vazhdimisht me këtë varietet të vetëm.
Këto baktere kanë tendencën të pengojnë furnizimin me ujë të bananes dhe e shkatërrojnë atë.
Ato nuk mund të eliminohen dhe mund të zhvendosen edhe në tokë.
Përpos kësaj, bananet kanë edhe një dobësi tjetër.
Praktikisht çdo banane e mbjellë është një klon i brezit të mëparshëm të bananeve.
Kjo nënkupton se patogjenët e rrezikshëm mund të shpërndahen me të njëjtën furi si zjarri.
Mungesa e një varieteti gjenetik, e bën këtë banane të konsumit të gjerë më të brishtë ndaj rreziqeve të tilla.
Rreziqe të tjera
Bananes së përditshme i kanoset një rrezik tjetër nga një sëmundje e njohur si sigatoka e zezë, sporet e së cilës udhëtojnë nëpërmjet ajrit duke infektuar plantacionit dhe ulur prodhimtarinë.
Shpërndarja e këtyre sporeve favorizohet edhe nga ndryshimet klimatike dhe rreziku i infeksionit të plantacioneve është rritur me 50% në 60 vitet e vundit.
Ky infeksion mund të trajtohet por fermerët duhet të aplikojnë solucione të posaçme rreth 60 herë në vit.
Tashmë është i pranishëm në shumë plantacione të bananeve në Kinë, Indi, Tajvan dhe Afrikën Lindore.
Frika është e madhe që ai do të shpërndahet edhe në vend të tjera eksportuese siç është Ekuadori.
Ekspertët kanë bërë thirrje për rritjen e varieteteve të tjera ose ndërthurjen mes tyre për të garantuar vazhdimësinë e bananes mbi tokë./AgroWeb
Top Channel
