“Kemi bërë keq në 15 minuta”/ Disfata e hidhur me Ukrainën, Sylvinho për “DigitAlb”: Nuk pësohen dy gola kaq shpejt, as unë dhe as lojtarët… 19/11 23:37
Efekti Erik ten Hag po ndihet te Manchester United. “Djajtë e Kuq” po luajnë mirë dhe po arrijnë rezultate pozitive.
Fitorja 2-1 ndaj Barcelonës solli kualifikimin në raundin e 1/8-ve në Europa League, aty ku anglezët do të sfidojnë Real Betis.
Trajneri holandez njihet për aftësinë e tij për të lexuar mirë ndeshjen dhe për të kryer zëvendësimet e duhura. 53-vjeçari ka intuitën për të gjetur gola edhe nga pankina.
Anthony erdhi nga stoli dhe realizoi golin e kualifikimit ndaj skuadrës së Xavit. Me realizimin e brazilianit, United është bërë skuadra që ka shënuar më shumë gola me lojtarët e ardhur nga pankina.
Plot 19 gola të United janë shënuar nga futbollistë që nuk i kanë nisur takimet si titullarë, si askush tjetër në Europë. Ten Hag po konfirmohet një mjeshtër i ndërrimeve, ndërkohë që tifozët po shijojnë formën fantastike të ekipit të zemrës.
Top Channel
