Një sherr në familje ka ndodhur në Lushnjë.
Një 42 vjeçar për motive të dobëta ka goditur me mjet prerës vëllain e tij. Si pasojë vëllai është dëmtuar lehtë ndërsa 42-vjeçari D. R., është vënë në pranga. Ende nuk dihet shkaku i konfliktit të tyre.
Për tre persona përfshirë një të mitur nisi procedimi të gjendje të lirë pasi iu gjetën kokainë. 42 vjeçari A. B., 20 vjeçari Xh.C., dhe një 16 vjeçar akuzohen për veprën penale “Prodhimi dhe shitja e narkotikëve”. Gjatë kontrollit fizik nga policia ndaj 16 vjeçarit dhe A. B., iu gjetën dhe sekuestruan lëndë të dyshuar narkotike kokainë ndërsa 20 vjeçarit iu gjet lëndë kanabis.
Gjithashtu në Libofshë të Fierit një 60 vjeçar A. F., është në ndjekje penale pasi dyshohet se ka goditur me grushta një person tjetër.
Sipas policisë materialet procedurale i kaluan Prokurorisë, për veprime të mëtejshme.
“DVP Fier/Vihet në pranga 1 shtetas, procedohen në gjendje të lire 4 të tjerë, për vepra të ndryshme penale. Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin D. R., 42 vjeç, banues në Lushnjë, pasi për motive të dobëta, ka goditur dhe dëmtuar lehtë me mjet prerës, një shtetas(vëllain e tij).Nga specialistët e Seksionit për Hetimin e Narkotikëve të DVP Fier u referuan materialet në Prokurori dhe nisi procedimi në gjëndje të lirë për shtetasit A. B., 42 vjeç, Xh. C., 20 vjeç dhe një shtetasi 16 vjeç, për veprën penale “Prodhimi dhe shitja e narkotikëve”. Gjatë kontrollit fizik nga shërbimet e Policisë, shtetasit A. B dhe 16-vjeçarit, iu gjetën dhe iu sekuestruan doza lënde të dyshuar narkotike kokainë, ndërsa shtetasit Xh. C., ju gjetën doza lënde të dyshuar narkotike kanabis. Specialistët për Hetimin e Krimeve të Komisariatit të Policisë Fier referuan materialet në Prokurori dhe nisi procedimi në gjendje të lirë për shtetasin A. F.., 60 vjeç, banues në Libofshë, pasi dyshohet se ka goditur me grushte, një shtetas tjetër. Materialet procedurale i kaluan Prokurorisë, për veprime të mëtejshme”, sipas njoftimit të policisë.
Top Channel
