“Opozita ka ndjekje më të madh në Tiktok”, përplasje mes ekspertësh në Top Story: Rama është 74% më shumë se sa Berisha 23/12 22:58
Bashkëjetesa në sallë e Kuvendit është bërë e pamundur mes mazhorancës dhe opozitës, e cila ndjehet e “injoruar”.
Ndryshe nga Lulzim Basha, i cili katër vite me parë vendosi të ndërmarrë aktin ekstrem të djegies së mandateve, Sali Berisha ka vendosur të ndryshojë strategji duke shtrirë aksionin si brenda dhe jashtë Parlamentit.
Por, beteja e Sali Berishës me bilbila dhe bllokim foltoresh duket se nuk po prodhon rezultatin e pritshëm për demokratët, pasi socialistët kanë nisur një valë përjashtimesh duke shuar zjarrin opozitar brenda Parlamentit.
Edmond Spaho seancën e shkuar i fryu për 6 ore bilbilit, por kjo sjellje e tij do e mbajë 10 ditë larg foltores.
Spaho: Nuk ndodhur kurrë ndonjëherë në historinë e parlamentarizmit që një deputet të përjashtohet me 20 ditë nga Parlamenti, a jeni në terezi?
Bashkë me Edmond Spahon, këtë të enjte nuk do mund të kalojnë pragun e Parlamentit 8 deputet të opozitës, më në krye Sali Berishën dhe Flamur Nokën, ndaj të cilëve është në fuqi një ndëshkim që i mban larg foltores.
Për demokratët vendimi i Komisionit të Etikës është nul pasi është në shkelje të afatit të përcaktuar në Rregullore se përjashtimet duhen bërë 48 orë pas kërkesës së depozituar në Kuvend.
Absurde për opozitarët është edhe fakti që deputeti socialist Baftjar Zeqaj që kërkon ndëshkimin e demokratëve është kapur vetë në shkelje teksa rrëmben kartën e koleges për të votuar në seancë plenare.
Por, për socialistët përjashtimi i ligjvënësve demokrat është vendimi i duhur për sa kohë prish planet e opozitës për kaos dhe anormalitet në Parlament.
Top Channel
