Vendet më të rrezikuara në botë nga përmbytjet dhe moti ekstrem, zbulon analiza

Kina është shtëpia e 16 nga 20 rajonet e botës më të cenueshme ndaj ndryshimeve klimatike, sipas të dhënave të publikuara të hënën, me disa nga qendrat më të rëndësishme të prodhimit në botë në rrezik nga rritja e nivelit të ujit dhe moti ekstrem.

Shteti i Floridës renditet gjithashtu si rajoni më i rrezikuar, jashtë Kinës.

Specialistët e rrezikut të klimës XDI vlerësuan më shumë se 2600 rajone në mbarë botën, duke përdorur modele klimatike së bashku me të dhënat e motit dhe mjedisit për të vlerësuar dëmin ekonomik që rritja e temperaturës mund të shkaktojë deri në vitin 2050.

Studimi bazohet në një rritje prej 3 gradë Celsius në temperatura deri në fund të shekullit, sipas një skenari të hartuar nga Paneli Ndërqeveritar i OKB-së për Ndryshimet Klimatike.

Të dhënat treguan se disa vende përballen me rreziqe katastrofike si rritja e nivelit të detit, përmbytjet e lumenjve dhe zjarret, të cilat gjithashtu mund të ulin çmimet e pronave dhe të pengojnë investimet, tha XDI.

Provinca bregdetare kineze e Jiangsu, e cila është shumë e industrializuar dhe përbën një të dhjetën e PBB-së së Kinës, u rendit si territori më i cenueshëm në botë, i ndjekur nga fqinji Shandong dhe baza kryesore e prodhimit të çelikut në Hebei. Provinca qendrore e Henanit e prirur nga përmbytjet ishte e katërta.

“Investimet në infrastrukturë kanë prirje të përqendrohen në zona që tradicionalisht kanë qenë me rrezik shumë të lartë – deltat e lumenjve, zonat bregdetare dhe zonat relativisht të sheshta”, tha ai.

Rajoni jo-kinez i renditur më të lartë ishte Florida në vendin e 10-të, me Kaliforninë e 19-të, Teksasin e 20-të dhe Nju Jorkun në vendin e 46-të. Nëntë territore nga India ishin gjithashtu në top 50.

Top Channel