“Gjëmimi i Heshtjes” nga Audi mbledh admiruesit më të zëshëm

Në eventin e quajtur “Gjëmimi i Heshtjes”, shtëpia e madhe e Porsche Albania do të shndërrohet në një forum të shumë modeleve historike të Audi dhe të apasionuarve pas stadit tjetër të transportit automotiv; të ardhmes elektrike.

Eventi do të organizohet pranë zyrave qendrore të Porsche Albania, në autostradën Tiranë – Durrës, duke shndërruar këtë segment të zonës industriale afër kryeqytetit, në një festë të kuruar për të rritur e të vegjël.

Përveç modeleve nga trashëgimia historike Audi që vetë të apasionuarit do të sjellin në festë, surpriza që i shton më shumë shijen këtij takimi është shpalosja e modeleve më të fundit elektrike Audi. Ky event është gjithashtu një materializim i promovimit që bëhet nga Audi për të shtuar perdorimin e makinave elektrike, duke ndikuar kështu në mënyrë të prekshme në përmirësimin e mjedisit dhe në zhvillimin tonë të qendrueshëm.

Në një deklaratë për median tonë, Drejtoresha e Marketingut dhe Marrëdhënieve me Publikun. Znj. Elona Mera shprehet entuziaste për këtë event për vetë ngrohtësinë e shtëpisë që përcjell audienca, por edhe për përqafimin kaq natyral që ka ndjerë nga e gjithë familje e klientëve dhe dashamirësve të Audi, për transportin elektrik.

“Ky takim vjen si një moment krenarie për bilancet tona në raport me transportin elektrik, por edhe si një “deklaratë” e bukur që lëshojmë nga premisat e Porsche Albania me klientët dhe miqtë tanë, drejt të ardhmes së shëndetshme. Transporti elektrik është e tashmja dhe e nesërmja; realiteti i paevitueshëm i lëvizshmërisë në Shqipëri dhe Porsche Albania do të jetë aleati i duruar që çdo burim njerëzor dhe teknologjik do ta bëjë të aksesueshëm për këdo që i bashkohet këtij misioni të qëndrueshëm dhe frymëzues”– shprehet Elona Mera.

Top Channel