Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
Një manjat ndërtimi është kapur në Turqi teksa përpiqej të largohej nga vendi pasi një bllok pallatesh banimi i ndërtuar prej tij është shembur duke vrarë rreth 1000 njerëz.
Ndërtuesit në Turqi po përballen me investigime pas shembjes së ndërtesave gjatë tërmetit shkatërrimtar me 7.8 që ka vrarë e gjymtuar Turqinë jugore dhe Sirinë veriore.
Ndërtuesi në fjalë u arrestua në aeroportin e Stambollit teksa përpiqej të fluturonte drejt Malit të Zi, pas shembjes së banesave “të mrekullueshme” në tërmet.
Mehmet Yaşar Coşkun është ndërtuesi i rezidencës Rönesans e cila u shemb tragjikisht në Antakya.
Apartamentet e luksit ishin ndërtuar në 2013, kur Coşkun shpërndante fotot e ndërtimeve në rrjetet e tij sociale.
“Një kuadër nga parajsa, Rönesans Residence”, shkruante ndërtuesi
Ndërtesat e tij 12-katëshe në Antakya kishte 250 apartamente po u shemb në anë mbi pishinën e vet, duke dëmtuar dhe objektet fqinje.
113 mandate arrestimi janë lëshuar deri tani nga autoritetet turke për ndërtuesit pas tërmetit të 6 shkurtit.
Një prej ndërtuesve të arrestuar së fundmi, tha: “Ndërgjegjia ime është e pastër, kam ngritur 44 ndërtesa dhe vetëm 4 u shembën. Kam bërë gjithçka sipas rregullave.”
Mediat turke thonë se teknikat moderne të ndërtimit kanë kritere për rezistencë ndaj tërmeteve, por me abuzimet me materialet e ndërtimit ka rënë deh cilësia e objekteve përfundimtare.
Ministri turk i mjedisit Murat Kurum tha 24,921 ndërtesa në rajon ose janë shembur ose janë dëmtuar nga tërmeti.
Top Channel
