Ukraina: Raketa e re ruse arriti shpejtësinë mbi 13.000 kilometra në orë 22/11 18:09
Uji ka përmbytur sot një fshat në Salqin pranë qendrës veriperëndimore Idlib të Sirisë, pas shembjes së një dige të dëmtuar nga tërmeti shkatërrimtar i të hënës.
Një rezident i fshatit konfirmonte për rrjetin AFP shembjen e digës prej tërmetit dhe largimit të shumicës së banorëve.
“Situata është e rëndë siç mund ta shihni prej përmbytjes. Asnjë nuk ka mbetur në fshat përveç të rinjve të aftë. Fëmijët e të vjetrit janë larguar”.
“Kemi nevojë për ndihmë dhe për tenda pasi ka shumë shtëpi të shembura e të përmbytura. Ne mund të gjejmë vend në tokat e të afërmve tanë për të ngritur tenda, por kemi nevojë për pajisje”, shtoi ai.
Përmbytja i shtohet katastrofës së tërmetit në Turqi e Siri, ku numri viktimave sot arriti rreth 20 000.
Kjo shifër e tmerrshme kalon dhe numrin e 17,000 viktimave të vitit 1999, kur një tërmet i përmasave të ngjashme goditi veriperëndimin e Turqisë, është i populluar më dendur.
Top Channel
