Po planifikonin sulme gjatë Krishtlindjeve dhe Vitit të Ri, autoritetet turke arrestojnë 117 anëtarë të dyshuar të Shtetit Islamik pas bastisjeve në Stamboll 25/12 10:08
Jose Raphael Solano Landaeta ka pretenduar se ka vrarë me goditje shpate Karino Castro – nënën e fëmijës së tyre një-vjeçar – në “vetë-mbrojtje”, edhe pse autoritetet lokale kanë hedhur poshtë versionin.
Gruaja e ndjerë ishte gjetur me kokë thuajse të prerë pas sulmit shokues të mesditës, në qytezën e San Carlos, në Kaliforni, në shtator 2022.
Mediat lokale thonin se në shtëpi u gjetën dy fëmijë të vegjël një dhe shtatë vjeçarë të cilët “kërkonin nënën e tyre”, pasi Karino Castro ishte vrarë me prerje koke nga Jose Raphael Solano Landaeta gjatë incidentit të tmerrshëm.
Solano u arrestua nga policia e Kalifornisë pak pas sulmit.
Dyshja ishin në një lidhje prej disa muajsh, por kishin pasur dhe më parë raportime dhe ankesa për dhunë e konflikte shtëpiake.
Rrjeti vendas NBC, tha se Solano “kishte një të kaluar kriminale dhe probleme me shëndetin mendor”, ndërsa viktimës i ishte dhënë më parë një urdhër mbrojtjeje ndaj të dyshuarit disa muaj para se të humbiste jetën.
Në një intervistë nga qelia e tij për rrjetin ABC7, autori dyshuar tha se kishte vepruar “për vetëmbrojtje”.
Ai i tha intervistuesit Dan Noyes: “Ajo doli nga makina Volkswagen me një thikë në dorë dhe po marshonte drejt tij. Ai thotë se harkoi shpatën për vetëmbrojtje”.
Por prokurori i San Mateo, Steve Wagstaffe hidhte poshtë pretendimet.
Wagstaffe tha: “Nuk kemi asnjë raportim që Castro ishte e armatosur me thikë dhe askush nuk e ka parë me thikë në dorë, aq më pak ta përdorte”.
“Ai pretendon vetë-mbrojtje ndaj një vajze që ishte sa çereku i masës së tij trupore”, tha prokurori për rrjetin Insider.
Gjyshja e të akuzuarit Danielle Gannon, tha se është diagnostikuar me “skizofreni” dhe me siguri këtë do ta përdorë si justifikim për sjelljen.
Data e gjyqit ende nuk është caktuar.
Top Channel
